Jeshi la Syria lafanikiwa kuigawa ngome ya magaidi

Jeshi la Syria lafanikiwa kuigawa ngome ya magaidi

Vikosi vya serikali ya Syria vimeugawa mji wa Douma, ambao ni mkubwa katika ngome inayoshikiliwa na magaidi wanaodhaminiwa na Marekani wa Ghouta Mashariki kutoka kwenye eneo jengine lililobakia la mji huo.

Shirika la habari la ABNA linaripoti kuwa: Vikosi vya serikali ya Syria vimeugawa mji wa Douma, ambao ni mkubwa katika ngome inayoshikiliwa na magaidi wanaodhaminiwa na Marekani wa Ghouta Mashariki kutoka kwenye eneo jengine lililobakia la mji huo.

Jeshi la Syria leo limedhibiti zaidi ya nusu ya Ghouta Mashariki kutokana na mashambulizi ya wiki tatu, ikiwemo barabara inayoiunganisha miji ya Douma na Harasta miji miwili mikubwa Ghouta Mashariki na kuligawa eneo hilo katika sehemu tatu, huku Douma ikiwekwa na maeneo yanayouzingira, Harasta ukiwa upande wa magharibi na maeneo yaliyobaki yakielekezwa upande wa kusini.

Shirika linalofuatilia haki za binaadamu nchini Syria lenye makao yake nchini Uingereza limesema kuwa jeshi la Syria pia limeudhibiti mji wa Misraba wakati likisonga mbele, huku barabara kati ya Douma na Harasta zikiwa ndani ya eneo ambalo mashambulizi yanaweza kufanywa.

Shirika la habari la Ufaransa, AFP limeripoti kuwa mashambulizi ya anga pamoja na makombora yamekuwa yakiendelea leo Jumamosi.

Makundi mawili makuu ya magaidi yanayoungwa mkono na Marekani ya Jaish al-Islam na Failaq al-Rahman bado yamebakia Ghouta Mashariki, pamoja na idadi ndogo ya wapiganaji kutoka kundi la Nusra Front ambalo lilikuwa tawi la mtandao wa kigaidi wa Al-Qaeda nchini Syria.

Februari 18, majeshi ya serikali yalianzisha mashambulizi Ghouta Mashariki, eneo la mwisho linalodhibitiwa na magaidi  karibu na mji mkuu wa Syria, Damascus na sasa yanaudhibiti zaidi ya nusu ya mji huo. Kwa mujibu wa shirika hilo, mashambulizi hayo yamesababisha magaidi zaidi ya 1,000 kuuawa.

Zaidi ya watu 400,000 wamezuiliwa na magaidi

Umoja wa Mataifa unakadiria kuwa kiasi ya watu 400,000 wamezingirwa katika eneo hilo ambalo limekuwa chini ya udhibiti wa magaidi  tangu 2013. Licha ya Umoja wa Mataifa kutoa wito wa kusitishwa kwa muda mapigano nchini Syria, serikali ya Rais Bashar al-Assad imeendelea na operesheni yake kwa lengo la kuwaondoa magaidi wanaoungwa mkono na Marekani   kwenye eneo hilo.

Wakati huo huo, Rais wa Uturuki, Recep Tayyip Erdogan leo ameahidi kuongeza mashambulizi ya Uturuki nchini Syria dhidi ya wanamgambo wa Kikurdi hadi kwenye miji muhimu ya mpakani inayodhibitiwa na wanamgambo hao hadi kwenye eneo la mpaka na Iraq.

Kwa mujibu wa shirika linalofuatilia haki za binaadamu nchini Syria, vikosi vya Uturuki vimesonga mbele na kufika kwenye viunga vya mji wa Afrin baada ya operesheni ya wiki kadhaa dhidi ya kundi la wanamgambo wa Kikurdi nchini Syria, YPG. Uturuki na makundi washirika ya magaidi yanasonga mbele kwenye mji huo kutoka mashariki huku vikifanya mashambulizi ya mabomu.

Januari 20, mwaka huu Uturuki ilianzisha operesheni yake ya kuwaondoa wapiganaji wa YPG, kutoka mji wa Afrin ulioko kaskazini mwa Syria.

Jana usiku idadi ndogo ya wapiganaji wa kundi la kigaidi la Nusra Front waliruhusiwa kuondoka Ghouta Mashariki na familia zao chini ya mkataba maalum. Aidha, Kamati ya Kimataifa ya Shirika la Msalaba Mwekundu duniani, ICRC iliripoti kuwa malori 13 yaliyojaa msaada wa kuwafikia kiasi ya watu 12,000 Ghouta Mashariki, kabla ya kulazimika kuondoka baada ya kuanza tena kwa mashambulizi.

Mwisho wa habari / 291

 

 


Taarifa zinazohusiana

Tuma maoni

Email yako haiwezi kutuma, tafadhali chunguza Email yako

*

Quds cartoon 2018
We are All Zakzaky