Raila Odinga ajiondoa uchaguzi urais wa Kenya

  • Habari NO : 859608
  • Rejea : abna.ir
Brief

Kiongozi wa upinzani nchini Kenya, Raila Odinga, ametangaza kujiondoa kwenye kinyang'anyiro cha urais katika uchaguzi mpya ulioamriwa na Mahakama ya Juu hapo tarehe 26 Oktoba akilalamikia kutokuwepo mageuzi ya tume.

Shirika la habari la ABNA linaripoti kuwa: Kiongozi wa upinzani nchini Kenya, Raila Odinga, ametangaza kujiondoa kwenye kinyang'anyiro cha urais katika uchaguzi mpya ulioamriwa na Mahakama ya Juu hapo tarehe 26 Oktoba akilalamikia kutokuwepo mageuzi ya tume.

Ilikuwa ni kesi iliyofunguliwa na Odinga kwenye Mahakama ya Juu dhidi ya matokeo ya uchaguzi wa Agosti 8 ndiyo iliyopelekea kufutwa kwa matokeo hayo na kuitishwa mwengine mpya.

Wakati huo, Odinga alihoji kwamba matokeo hayo yalidukuliwa na kuharibiwa kwa makusudi ya kumnufaisha mpinzani wake, Rais Uhuru Kenyatta, wa chama tawala cha Jubilee.

Ilikuwa ni mara ya kwanza kwa taifa hilo la Afrika Mashariki kushuhudia matokeo ya urais yakifutwa mahakamani.

Katika taarifa yake kwa vyombo vya habari, Odinga amesema "tume ya uchaguzi haina dhamira ya kweli" ya kuendesha uchaguzi ulio huru na wa haki kwa kuwa haitaki kufanya mageuzi kama ilivyoagizwa kabla ya kura hiyo.

Miongoni mwa mageuzi ambayo Odinga alitaka kwanza yafanyike kabla ya kushiriki uchaguzi mwengine yalihusu kubadilisha wasambazaji vifaa vilivyotumika kutangaza matokeo ya awali na pia kuondolewa kwa maafisa wa tume ya uchaguzi ambao walituhumiwa kushiriki kuuharibu uchaguzi wa Agosti 8.

Odinga anasema tume hiyo ya uchaguzi imedhibitiwa na chama tawala cha Rais Kenyatta.

Mwisho wa habari / 291

 

 


Tuma maoni

Email yako haiwezi kutuma, tafadhali chunguza Email yako

*

Ujumbe wa Kiongozi Muadhamu wa Mapinduzi ya Kiislamu kwa mahujaji
پیام امام خامنه ای به مسلمانان جهان به مناسبت حج 2016
We are All Zakzaky