Waziri mkuu aliyepotelea Saudia yuko tayari kurudi Lebanon

  • Habari NO : 866633
  • Rejea : abna.ir
Brief

Aliyekuwa Waziri Mkuu wa Lebanon Saad Hariri akionekana mchovu na mwenye hofu amesema yuko huru nchini Saudi Arabia na kwamba atarudi Lebanon hivi karibuni.

Shirika la habari la ABNA linaripoti kuwa: Aliyekuwa Waziri Mkuu wa Lebanon Saad Hariri akionekana mchovu na mwenye hofu amesema yuko huru nchini Saudi Arabia na kwamba atarudi Lebanon hivi karibuni.

Aliyekuwa Waziri Mkuu wa Lebanon Saad Hariri ambaye tangazo lake wiki iliyopita kupitia kituo cha televisheni akiwa Saudi Arabia kuwa amejiuzulu lilisababisha mshtuko katika kanda hiyo ya Mashariki ya kati amesema yuko huru nchini Saudi Arabia na kwamba atarudi Lebanon hivi karibuni.

Katika mahojiano na kituo cha televisheni mjini Riyadh, Hariri aliyapuuza mbali madai kuwa amewekwa katika kifungo cha nyumbani nchini Saudi Arabia, badala yake alitangaza kuwa atarudi Mjini Beirut-Lebanon  mnamo siku mbili au tatu zijazo.

Wakati wa mahojiano hayo, Hariri aliyeonekana mchovu, alizungumza polepole lakini kwa ukakamavu.

"Nitarudi Lebanon hivi karibuni na nitafuata taratibu za kujiuzulu. Mtanipa muda niweze kujipa usalama ndani ya Lebanon, sizungumzi kuhusu wiki wala miezi bali ninazungumza kuhusu siku chache na haya yametatuliwa."

Mnamo tarehe 4 mwezi huu, Hariri mwenye umri wa miaka 47, alitangaza kupitia kituo cha televisheni akiwa mjini Riyadh kuwa amejiuzulu wadhifa wake wa waziri mkuu wa Lebanon, na tangu wakati huo, hajarejea nchini Lebanon.

Wachambuzi wengi wanasema kuwa amejiuzuru kwa kushawishiwa na serikali ya kifalme ya Saudia arabia.

Rais Miche Aoun hajakubali rasmi kujiuzulu kwa al-Hariri

Hata hivyo, rais wa Lebanon Michel Aoun hajakubali rasmi kujiuzulu kwa waziri huyo mkuu akisema nyendo zakezimezuiliwa na kudhibitiwa.

Hariri ambaye pia ana uraia wa Saudi Arabia aliwaambia waandishi wa habari kuwa yeye mwenyewe ndiye aliyeiandika barua ya kujiuzulu na amekuwa akitaka kuiwasilisha Lebanon ila kuna hatari.

Alionekana pia kuwa tayari kuibatilisha hatua yake ya kujiuzulu ikiwa machafuko katika kanda hiyo yatasitishwa.

"Kinachofanyika katika kanda yetu ni kitisho dhidi ya Lebanon haswa tunapojiweka katika nafasi zinazoiweka nchi kukabiliwa na vikwazo vya kiuchumi. Tayari tunajua vikwazo vya Marekani, lakini kuongezea tena vikwazo vya nchi za Kiarabu, hatuna haja na hilo."

Kujiuzulu ghafla kwa Hariri kulitokea wakati kukiwa na mvutano ikati ya Saudi Arabia na Iran ambazo zinaunga mkono upinzani katika mivutano ya kuwania mamlaka kuanzia Lebanon, Syria hadi Yemen.

Ambapo saudia arabia inatumia pesa na vikundi vyenye silaha kujiimarisha na Iran inatumia mikakati mizito ya kisiasa na kuwasaidia majiran zake katika vita dhidi ya magaidi.

Iran yakana tuhuma za kuingilia mambo ya ndani ya Lebanon

Iran imesema kuwa haiingilii mambo ya ndani ya Lebanon. Hariri aliilaumu Iran na washirika wake nchini  Lebanon  Hezbollah kwa kuiteka nchi yake na kuuyumbisha udhibiti wa mipaka ya kanda hiyo.

Waziri wa mambo ya nje wa UfaransaJean-Yves Le Drian ametoa wito kutaka nchi yoyote isiingilie mambo ya ndani ya Lebanon na pia kuwawezesha viongozi wakisasa kusafiri kwa uhuru na kutoa nafasi ya kupatikana suluhisho la kisasa.

Huku wasiwasi ukizidi, kwa mujibu wa ripoti ambayo wanadiplomasia wamelionesha shirika la ahabari la AFP, Jumuiya ya kiarabu imesema itafanya mkutano maalum Jumapili ijayo kufuatia ombi la Saudi Arabia kujadili ukiukaji unaofanywa na Iran katika kanda hiyo.

Mnamo Wiki iliyopita, hariri alifanya misururu ya mikutano na wanadiplomasia na maafisa wa Saudi Arabia mjini Riyadh akiwemo mfalme Salman .

Saudia arabia ikisaidiwa na Marekani imekuwa ikitumia nguvu zake zote kuhakikisha inaichafua Iran kimataifa, lakini mataifa mengi yanagundua ukweli na kuiacha Saudia arabia, jambo linalopelekea nchi hiyo kuzidisha uadui dhidi ya Iran ambayo inaonekana kuwa tishio kwa utawala wa Saudia arabia na Israel.

Mwisho wa habari / 291

 

 


Taarifa zinazohusiana

Tuma maoni

Email yako haiwezi kutuma, tafadhali chunguza Email yako

*

Arba'een
Mourining of Imam Hossein
Ujumbe wa Kiongozi Muadhamu wa Mapinduzi ya Kiislamu kwa mahujaji
پیام امام خامنه ای به مسلمانان جهان به مناسبت حج 2016
We are All Zakzaky