Shirika la kutetea haki za Binadamu laikosoa serikali ya Nigeria kwa kuua Mashia 350

  • Habari NO : 749386
  • Rejea : abna.ir
Brief

Shirika la kutetea haki za binadamu la Amnesty International limelilaumu jeshi la Nigeria kwa kufyatua risasi kiholela na kuua waislamu 350 wa Madhehebu ya Shia na kuwazika katika makaburi ya pamoja kisha kuharibu ushahidi wa uhalifu huo

Shirika la habari la ABNA linaripoti kuwa: Shirika la kutetea haki za binadamu Amnesty International linasema uchunguzi wao ulibaini wanajeshi walienda kinyume na sheria walipoamua kufyatua risasi dhidi ya waislamu wa dhehebu la shia ambao hawakuwa na silaha.

Jeshi halijawasilisha ushahidi kujiondolea lawama, na badala yake limekuwa likidai kuwa waislamu hao walikuwa na mpango wa kumuua kiongozi wa jeshi la Nigeria.

Shirika la kutetea haki za binadamu la Amnesty International limelilaumu jeshi la Nigeria kwa kufyatua risasi kiholela na kuua waislamu 350 wa Madhehebu ya Shia na kuwazika katika makaburi ya pamoja kisha kuharibu ushahidi wa uhalifu huo.

Kadhalika shirika hilo  la kutetea hali za kibinadamu limepuuzilia mbali madai ya jeshi la Nigeria kuwa waandamanaji wa vuguvugu hilo la Kiislamu- Islamic Movement of Nigeria (IMN) lilitaka kumwua mkuu wa majeshi kabla ya makabiliano Disemba mwaka jana.

Mara kwa mara jeshi la Nigeria limeshukiwa kukiuka haki za raia katika vita vyake dhidi ya wanamgambo wa madhehebu ya Sunni wa kundi la kigaidi la Boko Haram. hata hivyo jeshi hilo limekuwa likisema wanajeshi wake hufanya kazi yao kwa njia sawa.

Kumekuwepo na hofu kuwa matendo ya jeshi hilo dhidi ya kundi la Shia eneo la Zaria yanaweza kuzua mapigano mengine kama ya Boko Haram ambayo yameshasababisha vifo vya watu 20,000 tangu mwaka 2009.

Machafuko yaliyodumu kwa siku mbili tangu Disemba 12, yalianza pale wafuasi wa vuguvugu la IMN wanaomuunga mkono kiongozi wa kidini Ibrahim Zakzaky walizuia msafara wa mkuu wamajeshi kupita katika eneo la sherehe iliyokuwa ikihudhuriwa na kiongozi huyo wa kidini ambaye ni shia anayeunga mkono sera za Iran.

Amnesty International linasema uchunguzi wao ulibaini wanajeshi walienda kinyume na sheria walipoamua kufyatua risasi dhidi ya waandamanaji hao ambao hawakuwa na silaha.

Jeshi imeshindwa kutoa ushahidi kujitetea

Kwenye ripoti hiyo ninanukuu "Haijitokezi wazi ni kwa nini jeshi lilifanya operesheni hiyo ya kijeshi katika hali ambayo ilikuwa tulivu na salama kisheria. "Ripoti imeongeza kuwa jeshi liliwateketeza watu wakiwa hai, wakachoma nyumba na kuitupa miili katika makaburi ya pamoja. Kisha kuosha alama za damu, kuokota maganda ya risasi zilizotumiwa.

Wiki iliyopita afisa mmoja wa serikali alisema watu 350 miongoni mwao watoto na wanawake walizikwa katika kaburi la pamoja chini ya usimamizi wa jeshi, shughuli iliyoidhinishwa na mahakama.

Licha ya ahadi ya rais Muhammadu Buhari kuchunguza madai ya uhalifu wa kivita hadi leo hakuna hatua iliyochukuliwa kumaliza visa kama hivyo.

Zakzaky ambaye alipoteza jicho lake na kupooza sehemu ya mwili wakati wa ghasia hizo, amekuwa kizuizini bila kuwasiliana hata na mawakili, hadi alipoachiliwa hivi majuzi. Awali amewahi kufungwa jela kwa madai ya kutaka mapinduzi kama ya Iran ili kuunda taifa la kiislamu kaskazini mwa Nigeria.

Wachambuzi wa kisiasa wananasibisha tukuo hilo la kinyama lilifanywa na Jeshi kuwa linatokana na ushawishi wa Saudia arabia ambayo imekuwa ikiunga mkono makundi ya kiislamu ya msimamo mkali yakiwemo hata yale makundi ya kigaidi, kwa lengo la kupambana na mashia hasa mashia wa Iran au wanaoungwa mkono na serikali ya Iran.

Saudia arabia na Iran zinatofautiana katika mambo mengi sana ambapo Iran inapinga vikali vitendo vya Saudia arabia kusaidia magaidi nchini Syria na Iraq, nayo Saudia arabia inaendeleza kampeni dhidi ya Iran kwa kuitaka Iran iache kuingilia mambo ya ndani ya nchi za kiarabu.

Mwisho wa habari/ 291

 

 


Taarifa zinazohusiana

Tuma maoni

Email yako haiwezi kutuma, tafadhali chunguza Email yako

*

Ujumbe wa Kiongozi Muadhamu wa Mapinduzi ya Kiislamu kwa mahujaji
We are All Zakzaky