?>

Zarif: Suluhu ya kadhia ya Palestina ni muqawama na kura ya maamuzi

Zarif: Suluhu ya kadhia ya Palestina ni muqawama na kura ya maamuzi

Waziri wa Mambo ya Nje wa Jamhuri ya Kiislamu ya Iran amesema kusimama kidete katika njia ya muqawama na kuitishwa kura ya maamuzi ili Wapalestina wenyewe waamue mustakabali wao ndilo suluhisho la kadhia ya Palestina.

(ABNA24.com) Mohammad Javad Zarif amesisitiza kuwa, mpango wa Marekani uliopewa jina la Muamala wa Karne katu hauwezi kuipatia ufumbuzi kadhia ya Palestina.

Dakta Zarif amesema hayo katika mahojiano na tovuti ya Khamenei.ir na kuongeza kuwa, makundi yote ya kisiasa na kijamii ya Palestina kwa sauti moja yanapinga mpango huo wa Kimarekani na Kizayuni.

Ameeleza bayana kuwa, Jamhuri ya Kiislamu ya Iran itaendelea kuyasaidia mataifa yanayodhulimiwa katika eneo hili la Asia Magharibi. Dakta Zarif amefafanua kwa kusema, "Iran itaendelea kushirikiana na makundi ya muqawama huko Palestina na katika nchi nyingine za Kiislamu kama vile Lebanon na Syria, mataifa ambayo ardhi zao zinakaliwa kwa mabavu na utawala wa Kizayuni wa Israel."

Kadhalika Waziri wa Mambo ya Nje wa Jamhuri ya Kiislamu ya Iran amekosoa kimya cha baadhi ya nchi za Kiarabu mkabala wa dhulma na ukandamizaji wanaofanyiwa Wapalestina na kusisitiza kuwa, baadhi ya madola hayo vibaraka si tu yamefumbia macho kadhia ya Palestina, lakini yameenda mbali zaidi na kuimarisha uhusiano wao na Wazayuni.

Ameongeza kuwa, "baadhi ya madola hayo ya Kiarabu hayana imani na majirani zao katika eneo na hivyo yameamua kununua usalama wao kutoka Marekani na Israel, madola hayo yanananua silaha na zana za kijeshi kutoka tawala hizo za kiistikbari."

.............
340

(ABNA24.com)

Tuma maoni

Email yako haiwezi kutuma, tafadhali chunguza Email yako

*

پیام رهبر انقلاب به مسلمانان جهان به مناسبت حج 1441 / 2020
We are All Zakzaky
Hatuukubali muamala wa Karni