Bi Ravina Shamdasani Msemaji wa Ofisi ya Haki za Binadamu ya Umoja wa Mtaifa amesema kuwa watu wanaokimbia mapigano huko El Geneina makao makuu ya jimbo la Darfur Magharibi wanapasa kudhaminiwa usalama katika harakati zao za kulikimbia jimbo hilo. Aidha amesema, mashirika ya misaada ya kibinadamu pia yanapasa kuruhusiwa kufika huko Darfur ili kukusanya miili ya watu waliouawa.
Msemaji wa Ofisi ya Haki za Binadamu ya Umoja wa Mataifa ameeleza kusikitisha na mauaji ya kiholela katika jimbo la Darfur magharibi mwa Sudan na kutilia mkazo kuchukuliwa hatua za haraka ili kukomesha mauaji hayo.
Darfur, jimbo linalopatikana magharibi mwa Sudan katika mpaka na Chad mapema mwezi huu wa Juni lilikumbwa na machafuko na mapigano makali kati ya jeshi la Sudan na vikosi vya msaada wa haraka (RSF).
Umoja wa Mataifa umegusia juu ya uwezekano wa kushuhudiwa jinai dhidi ya binadamu huko Darfur na kutahadharisha kuwa mzozo unaoendelea jimboni humo umechukua mwelekeo wa kikabila katika eneo hilo.
342/