Sheikh Ahmed al Tayyeb ameeleza haya wakati akimlaki Antonio Guterres Katibu Mkuu wa Umoja wa Mataifa mjini Cairo Misri. Viongozi hao wawili wamejadili na kubadilishana mawazo kuhusu hali ya mambo ya Ukanda wa Gaza.
Sheikh al Tayyeb amesema, "Kile kinajiri sasa Ukanda wa Gaza kinatishia kudhoofisha juhudi za mawasiliano na maelewano ambazo tumekuwa tukizitekeleza kwa miaka mingi na kujaribu kuziba pengo kati ya Mashariki na Magharibi." Ameongeza kuwa hatua na radiamali za jamii ya kimataifa kuhusu mashambulizi ya utawala wa Kizayuni dhidi ya Gaza ni za kukatisha tamaa na kuhuzunisha
Imamu Mkuu wa Al Azhar aidha amepongeza misimamo ya watu kuwaungamkono raia wa Ukanda wa Gaza iliyodhihirishwa katika nchi mbalimbali duniani ikiwa ni pamoja na chi za Magharibi na huko Marekani na kusema hata baadhi ya Wayahudi wenye nia njema wamejitokeza hadharani wakitaka kusitishwa mashambulizi dhidi ya Gaza.
Katika mazungumzo hayo huko Cairo Misri, Karibu Mkuu wa Umoja wa Mataifa amesema: 'Natoa shukrani zetu kwa Al-Azhar kama sauti madhubuti inayotetea na kuunga mkono watu wa Palestina. Guterres, jana alitembelea kivuko cha Rafah kwa lengo la kutuma ujumbe kwamba ipo haja ya kusitishwa vita na jamii ya kimataifa kutimiza wajibu wake kwa kuchukua maamuzi na si kutoa maneno matupu."
342/