ametoa wito wa kupigwa marufuku uuzaji wa silaha kwa Israel na kuwekewa vikwazo vya kiuchumi utawala huo dhalimu na ghasibu. Albanese amesema: utawala wa Kizayuni lazima ushinikizwe ili uheshimu sheria za kimataifa na Mkataba wa Umoja wa Mataifa. Ripota huyo wa haki za binadamu wa Umoja wa Mataifa katika ardhi zinazokaliwa kwa mabavu ameongeza kuwa: hakuna hatua zozote zilizochukuliwa dhidi ya utawala wa Kizayuni kwa kufanya jinai za kivita katika miaka ya nyuma.Tangu tarehe 7 Oktoba 2023, kwa uungaji mkono kamili wa nchi za Magharibi, utawala wa Kizayuni umefanya mauaji makubwa katika Ukanda wa Ghaza na Ukingo wa Magharibi wa Mto Jordan dhidi ya watu wasio na ulinzi na madhulumu wa Palestina, na kimya cha jamii ya kimataifa na taasisi za haki za binadamu mbele ya jinai za Israel zimepelekea kuendelezwa mauaji ya wanawake na watoto Palestina yanayofanywa na utawala huo. Idadi ya mashahidi wa vita huko Gaza imepindukia, elfu 33,175 na idadi ya waliojeruhiwa imeongezeka na kupindukiza 75,886.
342/