Dkt. Massoud Pezeshkian, Rais wa Iran, amefanya ziara nchini Oman kwa madhumuni ya kuimarisha ushirikiano wa kiuchumi, kisiasa na kitamaduni. Alipowasili katika uwanja wa ndege wa Muscat, alipokelewa na maafisa wa ngazi za juu wa nchi hiyo.
Sherehe rasmi ya mapokezi ilifanyika katika Kasri ya Al-Alam kwa uwepo wa Sultan wa Oman, ambapo mizinga 21 ilifyatuliwa kwa heshima ya Rais wa Iran.
Raundi ya tano ya mazungumzo kati ya Iran na Marekani inatarajiwa kufanyika siku ya Ijumaa mjini Rome, Italia. Msemaji wa Wizara ya Mambo ya Nje ya Iran ametangaza kuwa nchi yake imekubali pendekezo la Oman kwa ajili ya kikao hiki. Aidha, alisisitiza kuwa ujumbe wa Iran katika mazungumzo haya umejikita katika kulinda haki za taifa hilo na kuhakikisha kuondolewa kwa vikwazo vilivyowekwa dhidi ya Iran.
