Sala ya Ijumaa ya tarehe 25 Septemba 2026 imefanyika katika Hawza Imam Ridha (as), Ikwiriri, Mkoa wa Pwani, ikishirikisha wanafunzi, walimu na waumini wanawake na wanaume. Khutba imeangazia fadhila za siku ya Ijumaa, umuhimu wa Sala ya Ijumaa, kujenga uhusiano na Mwenyezi Mungu, kuhuisha imani na kuimarisha umoja wa Kiislamu.
Hafla ya kuadhimisha Maulid ya Mtume Muhammad Mustafa (saw) imefanyika katika Hawza Imam Ridha (as), Ikwiriri, Mkoa wa Pwani, ikishirikisha wanafunzi, walimu na waumini kutoka jamii ya Waislamu wa Shia na Sunni. Hotuba katika hafla hiyo imeangazia fadhila, tabia njema na mwenendo wa Mtume (saw), pamoja na upendo wake kwa watoto na umuhimu wa malezi bora ya kizazi kijacho.
