Gazeti la The Jerusalem Post limeripoti kuongezeka kwa wasiwasi wa vyombo vya usalama vya Israel kufuatia ongezeko lisilo la kawaida la kesi za ujasusi zinazodaiwa kuwa kwa manufaa ya Iran. Kwa mujibu wa ripoti ya Shin Bet, zaidi ya kesi 150 zimefunguliwa ndani ya miaka miwili iliyopita, hali inayoelezwa kuwa ni kipindi chenye msongamano mkubwa zaidi wa shughuli za kijasusi za Iran ndani ya Israel, na inayoibua maswali kuhusu udhaifu wa kiusalama na changamoto za kukabiliana na upenyezaji.
Rais wa Venezuela Nicolás Maduro amesema mbele ya mahakama ya New York kuwa yeye ni mfungwa wa vita, akisisitiza kuwa hana hatia na hakubali mashtaka yote yanayomkabili yeye na mkewe. Mahakama imeruhusu wawili hao kuwasiliana na ubalozi wa nchi yao, huku wakili wa Maduro akibainisha kuwa kwa sasa hawajaomba dhamana lakini wanaacha uwezekano huo wazi baadaye.
