ndani

Chanzo cha Kijeshi cha Iran:

Iran Itajibu Shambulio Lolote la Marekani Dhidi ya Miundombinu Yake kwa Kulenga Miundombinu ya Kimkakati Yenye Maslahi ya Marekani Katika Eneo

Chanzo cha kijeshi cha Iran kimesema kuwa iwapo Marekani italenga daraja au kituo chochote cha umeme nchini Iran, Iran itajibu kwa kulenga miundombinu na madaraja katika eneo hilo, ikiwemo vituo vya nishati ambavyo Marekani ina maslahi ndani yake. Chanzo hicho kimesema pia kuwa Marekani ilipaswa kutambua katika siku 10 zilizopita kwamba Iran ina uwezo wa kulenga eneo lolote itakaloamua kulishambulia.

Msemaji wa Serikali ya Iran: Mkakati Wetu Unategemea Uwezo wa Ndani na Uungwaji Mkono wa Wananchi

Msemaji wa Serikali ya Iran, Fatemeh Mohajerani, amesema kuwa Mkakati wa Serikali unategemea Uwezo wa Ndani na Uungwaji Mkono wa Wananchi, akisisitiza kuwa Umoja wa Kitaifa wa Wananchi wa Iran utaiwezesha Nchi hiyo kupata Ushindi dhidi ya Maadui wanaolenga Maisha ya Watu, Shule na Hospitali.

kamanda wa jeshi la majini la Iran: muqawama haujafungwa tena na mipaka ya kijiografia

Kamanda wa Jeshi la Majini la Iran, Admiral Shahram Irani, amesema kuwa Muqawama sasa umevuka mipaka ya kijiografia, akisisitiza kuwa mataifa na vikosi vya Muqawama vinaendelea kuimarisha umoja na mshikamano katika kukabiliana na changamoto.

Mehr Yafichua Rasimu ya Makubaliano ya Vipengele 14 Kati ya Iran na Marekani

Shirika la Habari la Mehr limechapisha maelezo ya rasimu ya makubaliano yenye vipengele 14 kati ya Iran na Marekani, ikijumuisha kusitishwa kwa vita, kuondolewa kwa vikwazo, kufunguliwa kwa Mlango-Bahari wa Hormuz, kurejeshwa kwa fedha za Iran na mazungumzo kuhusu nyuklia, huku ikisisitiza kuwa mpango wa makombora wa Iran na uhusiano wake na Muqawama havitakuwa sehemu ya makubaliano hayo.

Kundi la “Hanzala” Latuma Onyo Kali kwa Jeshi la Wanamaji la Marekani, Latishia Majibu Makali

Kundi la mtandao linalojiita “Hanzala” limetoa onyo kali kwa wanamaji wa Jeshi la Wanamaji la Marekani, likiwataka kuwasiliana na familia zao, likidai kuwa makombora yako tayari na likitahadharisha kujibu kwa nguvu iwapo kutatokea uchokozi dhidi ya Iran.