Mshauri wa Utamaduni wa Ubalozi wa Iran, Nairobi Dkt. Ali Pourmarjan amtembelea Mwenyekiti wa Tume ya Kitaifa ya Usawa wa Jinsia ya Kenya Mhe. Rehema

Shirika la Habari la Kimataifa la Ahlul-Bayt (as) - ABNA - Mshauri wa Utamaduni wa Ubalozi wa Iran Nairobi Dkt. Ali Pourmarjan jana tarehe 14 Aprili 2025 alimtembelea Mwenyekiti wa Tume ya Kitaifa ya Usawa wa Jinsia ya Kenya Mhe. Rehema Jaldesa.

Walifanya Mkutano wa kifungua kinywa cha wazi na kujadili juhudi shirikishi zinazolenga kuendeleza Elimu na kuwawezesha Wanawake kote nchini Kenya.

Mkutano huo uliongozwa na Mwenyekiti Mhe. Rehema Jaldesa, ambapo aliwakutanisha Makamishna na wajumbe wa Sekretarieti. 

Dk. Pourmarjan, mtetezi kwa bidii wa elimu, alieleza dhamira ya Ubalozi wa Iran Nchini Kenya kuwa ni kutoa ufadhili wa masomo kwa Wanafunzi wanaoishi katika mazingira magumu, kwa lengo la kuwapa fursa bora zaidi kwa maisha yao bora ya baadaye.

"Elimu ni lango la fursa. Kupitia ufadhili wa masomo na mafunzo yaliyopangwa, tunaweza kuinua jamii na kuleta mabadiliko endelevu," Dk. Pourmarjan alisema.

Majadiliano pia yalilenga katika kuunganisha mabaraza ya kujenga uwezo ambayo yangewapa Wanawake na makundi yaliyotengwa na ujuzi na maarifa muhimu, ili kuendana na malengo mapana ya uwezeshaji na ushirikishwaji.