Main Title

source : Parstoday
Ijumaa

7 Juni 2024

15:12:45
1463973

Canada yashuhudia ongezeko la 1300% la hujuma za chuki dhidi ya Uislamu

Baraza la Kitaifa la Waislamu wa Canada (NCCM) limeripoti kuongezeka kwa 1300% kwa matukio ya chuki dhidi ya Uislamu (Islamophobia) katika nchi hiyo ya Amerika Kaskazini kufuatia kuanza kwa mauaji ya kimbari ya Isarel dhidi ya Wapalestina huko Gaza.

Wabunge katika kamati inayochunguza chuki dhidi ya Uislamu na chuki dhidi ya Wayahudi walielezwa siku ya Alkhamisi kwamba Waislamu wengi wameuawa katika mashambulizi ya makusudi nchini Canada katika kipindi cha miaka saba iliyopita kuliko nchi nyingine yoyote ya kundi la G7 la nchi zilizostawi kiviwanda, na kwamba chuki dhidi ya Uislamu imeongezeka kwa kasi tangu kuanza kwa vita vya Israel dhidi ya Gaza Oktoba mwaka jana.

Akitoa ushahidi mbele ya kamati ya haki ya Commons, Stephen Brown, mtendaji mkuu wa Baraza la Taifa la Waislamu wa Kanada (NCCM), amesema chuki dhidi ya Uislamu na chuki ni "aina hatari ya jina" ambayo imeongezeka katika miaka ya hivi karibuni.

Brown alikuwa akizungumza katika kumbukumbu ya mwaka wa tatu wa shambulio la kigaidi mnamo Juni 6, 2021 huko London, Ontario, wakati mzungu Mkristo mwenye chuki dhidi ya Uislamu alipoendesha gari lake la mizigo kugonga familia ya Kiislamu kwa makusudi, na kuwaua wanne kati yao na kumwacha mvulana mdogo yatima.

Kamati hiyo pia ilielezwa kwamba algoriti za mitandao ya kijamii zinakuza maudhui dhidi ya Uislamu, na  chuki hizo hueneza katika jamii halisia.

Bw. Brown alisema jumuiya za Waislamu zinakabiliwa na chuki na vurugu zisizo na kifani "kutoka kila ngazi ya jamii."

Amesema wataalamu wamepoteza kazi zao au wameadhibiwa baada ya kutoa wito wa kusitishwa kwa mauaji ya kimbari yanayofanywa na Israel Gaza, huku wanawake wa Kiislamu waliovalia hijabu wakishambuliwa na kunyanyaswa katika maeneo ya umma.

342/