Edward Snowden amelikejeli Baraza la Mawaziri lenye misimamo ya kufurutu ada la utawala ghasibu wa Israel na Waziri Mkuu wake Benjamin Netanyahu baada ya kushindwa huko kwa fedheha utawala wa Kizayuni katika oparesheni ya Kimbunga cha Al Aqsa iliyofanywa na wanamuqawama wa Hamas. Snowden ameashiria kashfa ya ujasusi ya programu ya Pegasus na kuandika: Netanyahu ameunga mkono tasnia ya mabilioni ya dola na kuuza zana za kijasusi kwa madhalimu wanaozitumia kudukua simu za wakosoaji.
Amesema, programu umetumika dhidi ya wapinzani, wanasheria wa haki za binadamu na hata wanafunzi; lakini imebainika kuwa mpango umeshindwa kufanya ujasusi dhidi ya Hamas kama ilivyotazamiwa.
Pegasus ni programu ya kijasusi iliyotengenezwa na Kundi la NSO lenye makao yake makuu katika ardhi zinazokaliwa kwa mabavu (Israel) na kuuzwa kwa nchi nyingi, zikiwemo nchi za Kiarabu, na wakati huo huo hutumiwa na serikali kadhaa za Magharibi kuwafanyia ujasusi wapinzani na viongozi mbalimbali. Baraza la Mawaziri la Netanyahu pia liliwafanyia ujasusi wapinzani na baadhi ya maafisa wa utawala huo.
342/
