Mafuriko yatia hasara kubwa Dar es salaam

Mamia ya wanabiashara wamesema wamepoteza mali mzomzo kufuatia mvua hiyo. Baadhi ya wakaazi wa mji huo wameiambia idhaa hii kwamba mvua hiyo ilikuwa kubwa zaidi kuwahi kushuhudiwa tangu Tanzania ijipatie uhuru wake. Habari zaidi zinasema kwa uchache watu 13 wamekufa maji kutokana na mvua hiyo. Miongoni mwa waliofariki dunia ni mtoto mdogo mwenye umri wa miaka 6. Madaraja yanayounganisha jiji la Dar es Salaam na maeneo mengine yamesombwa na maji huku nyumba kadhaa zikiporomoka kufuatia mvua hiyo.