Maelfu ya watu wamekimbia mapigano makali katika jimbo la kaskazani la Sudan Kusini la Unity na mashirika ya misaada yamewaondoa wafanyakazi wake katika eneo hilo. Taarifa hizi ni kwa mujibu wa Kamati ya Kimataifa ya Shirika la Msalaba Mwekundu na mashirika mengine.
Msemaji wa jeshi la serikali ya Sudan Kusini Philip Aguer amethibitisha kutokea mapigano hayo katika Jimbo la Unity lakini msemaji wa waasi hakuweza kupatikana mara moja kuelezea kuhusu taarifa hizo.
Madaktari wasio na mipaka wamesema wameifunga hospitali katika mji wa Leer kutokana na ripoti juu ya uwezekano wa kufanyika mashambulizi. Mgogoro wa kisiasa nchini Sudan Kusini ulianza mwishoni mwa mwaka 2013 baada ya kuzuka mapigano kati ya wanajeshi watiifu kwa Rais Salva Kiir na ushirika wa waasi wanaomtii aliyekuwa makamu wake Riek Machar.
