Shirika la habari la ABNA linaripoti kuwa: Kiasi yawatu 37 wameuawa na wengine 122 kujeruhiwa baada ya kutokea mripuko wa bomu karibu na kituo cha basi katika mji mkuu wa Uturuki wa Ankara hapo jana usiku. Serikali nchini Uturuki imesema kuwa idadi ya vifo kutokana na shambulizi hilo la bomu inaweza kuongezeka. Wengi wa watu waliojeruhiwa katika tukio hilo wanahofiwa kuwa raia ambapo watu wawili wanaoshukiwa kuhusika na mripuko huo nao pia wameuawa katika shambulizi hilo. Hakuna kikundi chochote hadi sasa kilichodai kuhusika na shambulizi hilo ingawa maafisa wa usalama wamewaambia waandishi wa habari kuwa chama cha wafanyakazi cha PKK kilichopigwa marufuku nchini humo kinaweza kuwa kinahusika na shambulizi hilo. Kundi la kigaidi la Daesh ambalo ni swahiba wa serikali ya Uturuki nalo pia linahusishwa na shambulizi hilo.
Mwisho wa habari/ 291
