ABNA-Taarifa iliyochapishwa na gazeti la Israeli la Yediot Aharonot , imeeleza kuwa operesheni hiyo ilipangwa na shirika la ujasusi la Israeli, Mossad na iliendeshwa na kikosi cha makomandoo cha Sayeret Matkal.
Operesheni
hiyo iliamriwa na Nahum Lev, ambaye katika mahojiano kabla ya kifo chake mwaka
2000, alikiri kuhusika kwake katika operesheni hiyo, ingawa taarifa hiyo
haikuchapishwa.
Abu
Jihad, aliyekuwa rafiki wa muda mrefu na msaidizi wa kiongozi wa zamani wa PLO,
Yasser Arafat, alishiriki kikamilifu katika kuongoza vuguvugu la maandamano ya
upinzani- Intifada mwaka 1987 hadi 1994 dhidi ya makaazi ya Israeli.
Alul
anasema wakati mauaji hayo yanafanyika Yitzhak Shamir, alikuwa Waziri Mkuu na
Yitzhak Rabin akiwa waziri wa ulinzi, ambaye baadae alikuwa waziri mkuu hadi
alipouawa na wapiganaji wa mrengo wa kulia mwaka 1995.
Taarifa
hizo zinaonyesha kuwa makomandoo 26 wa Sayeret Matkal waliwasili kwenye ufukwe
wa Tunis jioni ya Aprili 15, mwaka 1988 na kugawanyika katika makundi mawili na
kusafirishwa hadi karibu na makaazi ya Abu Jihad.
