Marekani yatoa msaada milioni 200 kwa Iraq

Rais  Barack Obama  wa  Marekani  ametangaza  kuipatia  Iraq msaada  wa  ziada  wa  kiutu  kiasi  ya  dola  milioni  200. Rais huyo hata hivyo hakusema  iwapo  utawala  wake  utatoa  helikopta chapa Apache pamoja  na  silaha  nyingine  kwa  Iraq.

Obama  ameweka  wazi  kwamba  msaada  huo  utapitia  katika serikali  ya  Iraq.

Rais Barack Obama  amesema  wakati  nchi  yake  inafanya kazi pamoja  na  mshirika  imara , kama  Iraq  ni  muhimu  kwa   nchi  hizo kuratibu  shughuli  zao  ili  hisia  zisiwe  kwamba  Marekani inaelekea  kurejea  tena  Iraq lakini   Marekani  inafanya  kile ambacho  ni muhimu  kwa  watu  wa  Iraq hata  kama  ni  kujiunga  na mapigano  dhidi  ya  adui  wa  pamoja wa nchi  hizo.

Marekani inaonekana kutofurahishwa na uwepo wa wataalam wa vita wa Iran nchini Iraq, ambapo wataalam hao wanasifiwa kuwa ndio wamesababisha jeshi la Iraq lipate mafanikio katika mapambano yake dhidi ya magaidi.