Baraza la usalama la Umoja wa Mataifa limepitisha azimio linaloweka vikwazo vya silaha dhidi ya viongozi wa wanamapinduzi wakishia wa Huthi nchini Yemen.
Baraza hilo pia limeweka vikwazo vya kusafiri pamoja na kuzuwia mali za kiongozi wa wanamapinduzi wa kishia wa Huthi Abdul Malik al-Houthi.
Azimio hilo limetoa wito kwa makundi yanayompinga rais Hadi nchini Yemen, hususan kundi la Mashia la Huthi , kusitisha ghasia hizo na kuanza tena haraka majadiliano yanayosimamiwa na Umoja wa Mataifa ili kuwezesha kipindi cha mpito cha kisiasa.
Azimio hilo liliwasilishwa na Jordan jana Jumanne na limeidhinishwa na nchi 14 katika baraza hilo lenye wajumbe 14.
Urusi , mshirika wa Iran nchi ambayo inashutumiwa kwa kuwaunga mkono Wahuthi, haikupiga kura hiyo.
Weledi wa mambo wamestaajabishwa na kuwekwa vikwazo hivyo kwa wahuthi badala ya kuwekewa Saudia arabia ambayo imeivamia Yemen na kuishambulia kwa silaha nzito.
