Mbinu za Mwisho za Shetani Katika Sekunde za Mwisho za Maisha

Shirika la Habari la Kimataifa la Ahlul Bayt (as) -ABNA-: Neno "Shetani" linatokana na mzizi wa "Shatan" lenye maana ya "kutengwa au kuwekwa mbali na umbali na kheri" Pia limefafanuliwa kama "kamba ndefu na yenye kusababisha wasiwasi." 

Neno "Mwenye Kuanza Kuaga Dunia" (Mochtar) linamaanisha wakati wa kufa na wakati wa kutokwa roho kutoka mwilini. (Dehkhoda, mzizi wa Mochtar) Mtu ambaye yuko karibu kufa na roho kuondoka mwilini huitwa "Mwenye Kuanza Kuaga Dunia." Maana ya mochta ni uwepo wa sababu za kifo, ikiwa ni pamoja na kuona malaika wanaotokwa roho na mtu kupoteza matumaini ya kuishi. (2) Mtu anayeaga dunia na kutoa pumzi ya mwisho huitwa mochta. Katika Quran, mochta umeelezwa kama wakati wa kufa na imesema kwamba hatupokei toba kutoka kwa mwenye dhambi anayeaga dunia. (An-Nisa, 18).

Sababu ya mtu kukata tamaa akiwa amelala kitandani wakati wa sakarati ya Mauti (Nyakati za mwisho za kuaga Dunia)

Mtu anayeishi katika ile hali ya kuaga dunia huitwa Muhtadhari, maana yake ni mtu aliye katika wakati wa kufa, roho kuondoka mwilini, na kuhisi uwepo wa Malaika au Waumini kando yake, au Maimam watoharifu (as) hasa Amirul Mu'minin (a.s)...kwa ajili ya kusindikiza mtu huyo akishakuwa maiti.

Shetani Karibu na Muhtadhari

Imam Sadiq (a.s) alisema kuwa shetani huwatuma maajenti wake kumvutia mtu wakati wa kifo, kuwafanya watateke imani yao na kumvutia kwenye kufuru. Hata hivyo, kama mtu ni muumini thabiti, shetani hatawezi kumshinda.

Sababu ya Shetani Kuomba Muda kwa Mwenyezi Mungu

Shetani alipokataa kusujudu kwa Adamu (a.s), alizuiwa na Mwenyezi Mungu lakini akaomba ruhusa hadi Siku ya Kiyama ili kujaribu kuwapotosha watu wasio maminifu (isiyo waaminifu kwa Mungu). Aliapa kuwapotosha wote isipokuwa wanyenyekevu wa kweli.

Mbinu za Mwisho za Shetani

• 1-Kumvutia mtu kuingia kwenye kufuru na ushirikina

• 2-Kutoa mashaka kuhusu imani

• 3-Kumfanya mtu kukataa Imamat (uongozi wa waheshimiwa wa Ahlul Bayt)

• 4-Kutumia udhaifu wa mtu na vitu anavyovipenda ili kumjaribu.

• 5-Mfano: Kutoa maji baridi kama kivutio na kumnyooshea (au kumpatia) ili kumshawishi aweze kumkataa Mwenyezi Mungu au Mtume (saww).

Njia za Kukabiliana na wasiwasi wa Shetani Wakati wa Kifo

• 1-Kuimarisha imani kwa maisha yote

• 2-Kumtaja mochta shahada mbili (Ashahada)

• 3-Kumsaidia kuchukua maombi na kusali vizuri

• 4-Kusoma Qur’an karibu naye, hasa sura kama As-Saffat na Yasin

• 5-Kumsihi Mungu na kumtaja dua kama "Raditu Billahi Rabba"

• 6-Kuhifadhi uhusiano wa upendo na Ahlul Bayt (a.s).

Kwa ufafanuzi zaidi | Zifuatazo ni Njia za Kujikinga na vishawishi vya kutia wasiwasi vya Shetani Wakati wa Kifo

Ili kulindwa na shari za shetani na kudumisha imani wakati wa kufa, mafundisho ya dini yametoa miongozo maalum. Kufuatilia kwa bidii maamrisho haya ni kinga madhubuti dhidi ya hila za shetani:

1. Kuimarisha Imani

Mwenyezi Mungu amesema katika Qur’an (An-Nahl: 99–100) kwamba shetani hana mamlaka juu ya wale wenye imani thabiti. Hivyo, mtu anapaswa kujijenga kiimani katika maisha ya kila siku.

2. Kumfundisha Shahada Mtu Anayeaga Dunia

Kumwongoza mochta (aliyeko karibu kufa) kusema shahada mbili (“Ash-hadu an la ilaha illa-llah…”) ni jambo lenye athari kubwa. Hata kama hawezi kuzungumza, bado inapendekezwa kuisoma karibu naye, kwani moyo wake unaelewa.

3. Kuhifadhi Sala kwa Uangalifu

Imam Ja’far as-Sadiq (a.s) alisema: Mtu anayeshikamana na sala zake ipasavyo, malaika wa mauti humfukuza shetani wakati wa kufa na kumsaidia kutamka shahada.

4. Kumhamishia Mochta kwenye Sehemu ya Kuswalia

Inapendekezwa kumweka mochta katika sehemu ya nyumba aliyokuwa akiswali mara kwa mara (inayoitwa musalla) ili awe karibu na mazingira ya ibada.

5. Kusoma Qur’ani Karibu na Mochta

Kusoma sura kama Yasin na As-Saffat karibu na mochta ni jambo lenye athari kubwa, na limenukuliwa katika riwaya mbalimbali za wanazuoni.

6. Kusoma Dua ya “Radītu Billāhi Rabban”

Riwaya kutoka kwa Imam Sadiq (a.s) inasema: Mtu anayesoma dua hii baada ya kila sala ya wajib, imani yake itakamilika na ataondoka duniani akiwa na imani kamili.

7. Kusoma Dua ya ‘Adīlah

Dua hii ni kinga dhidi ya shetani. Mtu akiisoma kwa moyo wa kweli na kumuomba Mungu aihifadhi imani yake wakati wa kufa, basi shetani hawezi kumvua imani yake.

8. Upendo kwa Ahlul Bayt (a.s)

Mapenzi na utiifu kwa Ahlul Bayt (a.s) ni miongoni mwa kinga kubwa. Rehema ya Ahlul Bayt haikatiki — wanawasaidia wafuasi wao duniani, wakati wa kufa, kaburini na Siku ya Kiyama.

Hitimisho

Shetani hutumia juhudi zake za mwisho wakati wa kufa kwa muumini, lakini kwa kushikamana na mafundisho haya ya dini, mtu anaweza kujikinga. Ni wajibu wetu kulinda imani katika maisha yote, hasa nyakati za mwisho, ili tuondoke duniani tukiwa na moyo uliojaa nuru ya imani na matumaini ya rahma ya Mwenyezi Mungu.

Rejea vyanzo hivi vifuatavyo:

• 1- مجمع البحرين، ج۶، ص۲۷۱
  Majmūʿ al-Baḥrayn, Juz’ 6, Uk. 271

• 2- مجمع البیان، ج۳، ص ۳۷
  Majmūʿ al-Bayān, Juz’ 3, Uk. 37

• 3- جواهرالکلام، ج ۶
  Jawāhir al-Kalām, Juz’ 4, Uk. 6

• 4- بحارالانوار، ج۶، ص۱۹۱
  Biḥār al-Anwār, Juz’ 6, Uk. 191

• 5- من‌لایحضره‌الفقیه، ج۱، ص۱۳۳
  Man Lā Yaḥḍuruhu al-Faqīh, Juz’ 1, Uk. 133

• 6- من‌لایحضره‌الفقیه، ج۱، ص۱۳۴
  Man Lā Yaḥḍuruhu al-Faqīh, Juz’ 1, Uk. 134

• 7- لئالی‌الاخبار، ج۵، ص۶
  Lu’ālī al-Akhbār, Juz’ 5, Uk. 6

• 8- جواهر الکلام، ج۴، ص۱۴
  Jawāhir al-Kalām, Juz’ 4, Uk. 14

• 9- وسائل‌الشیعة، ج۲، ص۴۵۵
  Wasā’il al-Shīʿah, Juz’ 2, Uk. 455

• 10- جامع المقاصد، کرکی، ج۱، ص۳۵۲
  Jāmiʿ al-Maqāṣid (by Karkī), Juz’ 1, Uk. 352

• 11- جامع المقاصد، ج۱، ص۳۵۳ / جواهر الکلام، ج۴، ص۲۱
  Jāmiʿ al-Maqāṣid, Juz’ 1, Uk. 353 / Jawāhir al-Kalām, Juz’ 4, Uk. 21

• 12- مفاتیح‌الجنان، ص۱۴۳
  Mafātīḥ al-Jinān, Uk. 143

• 13- مفاتیح‌الجنان، ص۱۴۰
  Mafātīḥ al-Jinān, Uk. 140