Palestina mwanachama rasmi wa mahakama ya kimataifa

Mamlaka  ya  Palestina  imekuwa  mwanachama  kamili wa mahakama  ya  kimataifa  inayoshughulikia  uhalifu  na  inaadhimisha tukio  hilo  muhimu kwa  sherehe ndogo  katika  makao  makuu  ya mahakama  hiyo  mjini  The Hague.

Palestina  imetia  saini  mkataba  ulioanzisha  mahakama  hiyo mwezi  Januari  na uanachama wake  unaanza  rasmi  leo, tukio lililokaribishwa  na  wanaharakati  ambao  wanaliona  tukio  hilo kama nafasi  ya  kuleta  uwajibikaji katika  miaka  kadhaa  ya  mzozo  kati ya  Wapalestina  na  Israel.

Israel  si  mwanachama  wa mahakama  ya  ICC, lakini  jeshi  la  nchi hiyo  pamoja  na  viongozi  wa  kiraia  wanaweza  sasa  kukabiliwa na  mashtaka  iwapo  wataaminika  kufanya  uhalifu  ndani ya  ardhi ya  palestina.

Serikali ya Israel imesikitishwa na hatua ya Palestina hii inatokana na hofu waliyonayo kufuatia jinai, mauaji na ukiaukaji wa haki za binadamu walizozifanya dhidi ya raia madhulumu wa Palestina.