Kwa mujibu wa Kansela wa Ujerumani Angela Merkel, Umoja wa Ulaya utaurefusha muda wa vikwazo vilivyowekwa dhidi ya Urusi kutokana na mgogooro wa nchini Ukraine. Kansela Merkel alifahamisha kwenye kikao cha mashauriano baina ya serikali za Ujerumani na Poland kilichofanyika katika mji mkuu wa Poland, Warsaw kwamba Umoja wa Ulaya uliamua mwezi uliopita kwamba kuondolewa vikwazo hivyo kutategemea na kutekelezwa kwa ukamilifu makubaliano yaliyofikiwa mjini Minsk juu ya mgogoro wa Ukraine.