Shirika la Habari la Ahlul-Bayt (as) -ABNA- Hadithi ya Mtume Muhammad (saww) kuhusu faida za kumpenda Bibi Fatima Zahra (a.s) inatufundisha mafunzo mengi na muhimu, kiasi kwamba imekuwa ni kipimo cha Imani, na Kwa hakika faida ya Mapenzi hayo kwa binti Kipenzi wa Mtume wetu Muhammad (saww) ni kubwa mno baada ya Maisha ya hapa Duniani. Hata ameyathibitisha mwenyewe Mtume Muhammad (saww) katika Hadithi hii Sahihi ifuatayo:
قالَ رَسولُ اللهِ (صلى الله عليه وآله وسلم):
«حُبُّ فاطِمَةَ يَنْفَعُ فِي مِائَةِ مَوْطِنٍ، أَيْسَرُهَا: المَوْتُ، وَالقَبْرُ، وَالصِّراطُ، وَالمِيزانُ، وَالحِسابُ.»
Mtume Muhammad (saww) amesema:
“Upendo kwa Fatima unafaa (unamnufaisha muumini) katika sehemu mia, na nyepesi zaidi kati ya hizo ni: Wakati wa mauti, kaburini, kwenye daraja la sirati, kwenye mizani na wakati wa hesabu.”
Ufafanuzi wa Hadithi
Hadithi hii inafundisha kwamba:
1. Upendo kwa Fatima Zahra (a.s) ni kipimo cha imani
Fatima (a.s) ni sehemu ya Mtume (saww). Kumpenda yeye ni kuonyesha uaminifu kwa Uislamu wa kweli na kwa Ahlul-Bayt.
2. Faida zake ni kubwa baada ya maisha ya duniani
Mtume (saww) ametaja maeneo 5 muhimu baada ya mauti ambapo upendo kwa Fatima (a.s) utakuokoa na kukupa utulivu:
a) Wakati wa mauti
Roho inapovutwa, mtu anapitia maumivu makali. Upendo kwa Fatima (a.s) unaleta utulivu na huruma ya Mwenyezi Mungu.
b) Kaburini
Katika giza la kaburi, mtu anakutana na swali la Munkar na Nakir. Upendo kwa Fatima (a.s) unakuwa sababu ya kuimarika na kupata nuru.
c) Sirati
Ni daraja linalopita juu ya Jahannam. Upendo kwa Fatima (a.s) unamsaidia muumini kuvuka bila matatizo.
d) Mizani
Amali za mtu hupimwa. Mapenzi kwa Fatima (a.s) huzidisha mizani ya mema.
e) Hesabu ya
Siku ya mwisho, mtu atahesabiwa kwa kila tendo. Mapenzi ya kweli kwa Fatima (a.s) huleta msamaha na kipaumbele.
Maana ya jumla
Mtume (saww) anatuambia:
Ikiwa unampenda Fatima (a.s) kwa moyo wa kweli, basi upendo huo utakuwa mwanga, kinga, na msaada wako katika hatua ngumu zaidi za Akhera.
Your Comment